ఉమ్ అల్ కువైన్ లోని ఉమ్ అల్ తౌబ్ ఇండస్ట్రియల్ ఎస్టేట్ లో భారీ అగ్నిప్రమాదం సంభవించింది. గురువారం తెల్లవారుజామున వార్ హౌజ్ లో ఒక్కసారిగా మంటలు చెలరేగాయి. ఫైర్ యాక్సిడెంట్ జరిగిన సమయంలో అక్కడ 90 మంది ఆసియా కార్మికులు ఉన్నారు. అయితే వారందరు ప్రమాదం నుంచి సురక్షితంగా బయటపడ్డారు.
తెల్లవారుజామున 3 గంటల సమయంలో ప్రమాదం విషయాన్ని కార్మికులు ఫోన్ చేసి తమకు సమాచారం అందించారని సివిల్ డిఫెన్స్ డిపార్ట్మెంట్ డైరెక్టర్ సలెమ్ హమద్ బిన్  హమ్దా వెల్లడించారు. వెంటనే ఫైర్ ఫైటర్స్ ను సంఘటన స్థలానికి పంపించి సహాయక చర్యలు చేపట్టామని, కార్మికులను అక్కడి నుంచి తరలించామని ఆయన తెలిపారు. ప్రమాదంలో కార్మికులు అందరూ సేఫ్ గా బయటపడినా..వార్ హౌజ్ (గోడౌన్) మాత్రం పూర్తిగా కాలిపోయింది. అగ్నిప్రమాదానికి కారణాలపై పోలీసులు దర్యాప్తు చేస్తున్నారు.