అబుదాబీ పోలీస్‌, 2019లో 1.5 టన్నుల డ్రగ్స్‌, 1.2 మిలియన్‌ నార్కోటిక్‌ పిల్స్‌ని స్వాధీనం చేసుకోవడం జరిగింది. పలు ఆపరేషన్స్‌ ద్వారా ఈ స్థాయిలో డ్రగ్స్‌, పిల్స్‌ని స్వాధీనం చేసుకున్నట్లు అధికారులు పేర్కొన్నారు. అబుదాబీ పోలీస్‌ - క్రిమినల్‌ సెక్టార్‌ - డైరెక్టరేట్‌ ఆఫ్‌ నార్కోటిక్‌ కంట్రోల్‌ ఈ విషయాల్ని వెల్లడించింది. డ్రగ్స్‌ విషయమై మరింత అవగాహన పెంచాల్సిన అవసరం వుందని ఈ సందర్భంగా అధికారిక వర్గాలు అభిప్రాయపడ్డాయి. ఎప్పటికప్పుడు అవగాహనా కార్యక్రమాలు చేపడుతున్నామనీ, పౌరులు దీన్నొక బాధ్యతగా తీసుకుని ప్రభుత్వానికి సహకరించాలని అబుదాబీ పోలీస్‌ సూచించారు.