మస్కట్‌: సుల్తానేట్‌లో బుధవారం భారీ వర్షాలు కురవడంతో ఉష్ణోగ్రతలు గణనీయంగా తగ్గాయి. కొన్ని చోట్ల జీరో కంటే కూడా తక్కువకు ఉష్ణోగ్రతలు పడిపోవడం గమనార్హం. ఒమన్‌ మిటియరాలజీ కార్యాలయం వెల్లడించిన వివరాల ప్రకారం ఃజబెల్‌ అక్దర్‌ ప్రాంతంలోని సైక్‌లో అత్యల్పంగా ఉష్ణోగ్రతలు నమోదయ్యాయి. సోషల్‌ మీడియాలో మేరకు స్నో ఫాల్‌ ఫొటోలు దర్శనమిచ్చాయి. హై ఆల్టిట్యూడ్‌ మౌంటెయిన్‌ రేంజెస్‌లో స్నో ఫాల్‌ ఎక్కువగా కన్పించింది. ఈ వాతావరణాన్ని ఆస్వాదించేందుకు జబాల్‌ షామ్స్‌, జబాల్‌ అక్దర్‌ ప్రాంతాలకు వెళుతున్నారు. కాగా, దోఫార్‌ గవర్నరేట్‌లోని మిర్బాత్‌లో అత్యధికంగా 26.5 డిగ్రీల ఉష్ణోగ్రతలు నమోదయ్యాయి. ఇదిలా వుంటే, మస్కట్‌లో జనవరి 14, 15 తేదీల్లో 56 మిల్లీ మీటర్ల వర్షపాతం నమోదయ్యింది.