కువైట్‌: కువైట్‌ చరిత్రలోనే తొలిసారిగా అత్యంత భారీ జరీమానా విధించడం జరిగింది. జహ్రా మునిసిపాలిటీకి సంబంధించిన ఓ డైరెక్టర్‌ అలాగే ఓ సిరియన్‌ వలసదారుడికి ఏడేళ్ళ జైలు శిక్షను విధించింది న్యాయస్థానం. మరోపక్క, 740 మిలియన్‌ కువైటీ దినార్స్‌ జరీమానాని కూడా న్యాయస్థానం విధించింది. నిందితులు ఇద్దరూ 370 మిలియన్‌ కువైటీ దినార్స్‌ తిరిగివ్వాలని ఆదేశించింది. ఈ నేపథ్యంలో చెల్లించాల్సిన మొత్తం 1 బిలియన్‌ 110 మిలియన్‌ దినార్స్‌ అయ్యింది. సెబియ్యా అలాగే సాల్మి ప్రాంతాల్లో పలు పాకెట్స్‌ లైసెన్సింగ్‌కి సంబంధించిన రాకెట్‌ని మునిసిపాలిటీ వెలికి తీసింది. క్వారీ కోసం అక్రమంగా లైసెన్సుల్ని పొందింది కంపెనీ. ఈ కేసులో నిందితులపై అభియోగాలు నిరూపించబడ్డాయి.