షార్జా:షార్జా నుంచి ఇండియాకు వస్తూ షార్జా ఎయిర్‌పోర్టులో ఓ భారతీయురాలు తన ఫోన్‌ను పోగొట్టుకుంది. ఇదే విషయాన్ని ఆమె మంగళవారం మధ్యాహ్నం తన ట్విటర్ ఖాతాలో పోస్ట్ చేసి షార్జా పోలీసుల సాయం కోరింది. తన ఫోన్‌కు సంబంధించిన ఫొటోలను సైతం ఆమె పోస్ట్ చేసింది. ఇదిలా ఉండగా.. ఈ పోస్ట్‌ను చూసిన సయిద్ అనే షార్జా పోలీస్ ఆఫీసర్ వెంటనే భారతీయురాలి మొబైల్‌ను వెతికే పనిలో పడ్డారు. ఫోన్‌కు సంబంధించిన వివరాలు, ఎక్కడ, ఎలా పోగొట్టుకున్నది యువతిని అడిగి తెలుసుకున్నారు.

యువతి తెలిపిన సమాచారంతో.. సయిద్ అతి తక్కువ సమయంలోనే ఫోన్ ఎక్కడున్నది చేధించి వెంటనే భారత్‌కు పంపించేశారు. యువతి భారత్‌కు చేరుకున్న మూడు గంటల్లోనే ఆమెకు తన ఫోన్ చేరింది. దీంతో షార్జా పోలీసుల మంచితనానికి తాను ముగ్దురాలైనట్టు భారతీయురాలు ఆనందం వ్యక్తం చేసింది. తన ఫోన్‌ను వెతికిపెట్టి భారత్‌కు పంపిన సయిద్‌కు ట్విట్టర్ ద్వారా  “ఐ సెల్యూట్ షార్జా పోలీస్...థ్యాంక్ యూ  కెప్టెన్ సయిద్ ఫ్రొం షార్జా ఎయిర్పోర్ట్ పోలీస్” అని తెపిలింది.

 ప్రత్యేక ధన్యవాదాలు తెలిపింది. పర్యాటకుల అంచనాలకు మించి వారికి ఉత్తమమైన సర్వీస్ అందించడానికి తాము నిత్యం పనిచేస్తామంటూ సయిద్ ఈ సందర్భంగా చెప్పారు.