కువైట్‌: జనరల్‌ కస్టమ్స్‌ అడ్మినిస్ట్రేషన్‌ - కస్టమ్స్‌ అధికారులు దేశంలోకి అక్రమంగా స్మగుల్‌ అవుతున్న వస్తువుల్ని అరికట్టడంలో అత్యంత అప్రమత్తంగా వ్యవహరిస్తున్నారు. తాజాగా కస్టమ్స్‌ అధికారులు నార్త్‌ పోర్ట్‌లో పెద్దయెత్తున ఇమిటేషన్‌ గూడ్స్‌ స్మగుల్‌ అవుతుండగా వాటిని స్వాధీనం చేసుకోవడం జరిగింది. లోకల్‌ మార్కెట్‌కి వీటిని తరలించేందుకు ప్రయత్నం జరుగుతుండగా, వాటిని అధికారులు అడ్డుకున్నారు. ఇమిటేషన్‌ గూడ్స్‌ని స్వాధీనం చేసుకుని, వాటిని ధ్వంసం చేస్తారు. కాగా, షుయైబా పోర్ట్‌ వద్ద అధికారులు, ఓ కంటెయినర్‌పై అనుమానంతో స్వాధీనం చేసుకున్నారు. దాన్ని తెరిచి చూడగా, పెద్దయెత్తున మొబైల్‌ ఫోన్లు, చేతి గడియారాలు, బ్యాటరీలు, ఇంటర్నేషనల్‌ బ్రాండ్స్‌ తాలూకు యాక్సెసరీస్‌ కనిపించాయి. వీటిని సంబంధిత శాఖలకు పరీక్షల నిమిత్తం తరలించడం జరిగింది.