అబుదాబీ క్రౌన నప్రిన్స్‌, డిప్యూటీ సుప్రీమ్‌ కమాండర్‌ ఆఫ్‌ యూఏఈ ఆర్మ్‌డ్‌ ఫోర్సెస్‌ షేక్‌ మొహమ్మద్‌ అల్‌ నహ్యాన్‌, చైనాలో కరోనా వైరస్‌ పరిస్థితిపై యూఏఈ క్షుణ్ణంగా పరిశీలిస్తోందని చెప్పారు. కరోనా వైరస్‌పై పోరులో చైనాకి అవసరమైన సాయాన్ని అందించేందుకు యూఏఈ సిద్ధంగా వుందంటూ ట్వీట్‌ చేశారు షేక్‌ మొహమ్మద్‌. ప్రస్తుతానికి యూఏఈలో కరోనా వైరస్‌కి సంబంధించి ఒక్క కేసు కూడా నమోదవలేదనీ, అయినప్పటికీ పటిష్టమైన చర్యలు తీసుకునేలా ఆదేశాలు ఇచ్చామని చెప్పారాయన. కాగా, చైనాలో 2,000 మంది కరోనా వైరస్‌ బారిన పడగా, ఇప్పటికే 56 మందికి పైగా ప్రాణాలు కోల్పోయినట్లు తెలుస్తోంది.