ఒమన్‌ నుంచి ఎయిర్‌ ఇండియా విమానాల్లో వచ్చే ప్రయాణీకులకు 8 కిలోల లిమిట్‌ మించితే క్యాబిన్‌ లగేజ్‌కి ఛార్జీ వర్తిస్తుంది. మస్కట్‌లో ఎయిర్‌ ఇండియా ఈ మేరకు ఓ ప్రకటన విడుదల చేసింది. ఓవర్‌ వెయిట్‌ హ్యాండ్‌ బ్యాగేజీ ఇకపై ఛార్జ్‌ చేయబడుతుందనేది ఆ ప్రకటన సారాంశం. డ్యూటీ ఫ్రీ షాప్స్‌లో కొనుగోలు చేసే వస్తువులకూ ఇది వర్సించనుంది. ప్రతి అదనపు కిలోగ్రామ్‌కీ 6 ఒమన్‌ రియాల్స్‌ ఛార్జ్‌ వసూలు చేస్తారు. అయితే, ఎట్టి పరిస్థితుల్లోనూ క్యాబిన్‌ లగేజ్‌ బరువు 10 కిలోలకు మించరాదు. ఇందులో 8 కిలోల బ్యాగేజ్‌ ఉచితం కాగా, రెండు కిలోలకి అదనపు ఛార్జీ వసూలు చేస్తారు. 10 కిలోల బరువు మించితే క్యాబిన్‌లోకి అనుమతించరు లగేజ్‌ని. అలాగే హ్యాండ్‌ బ్యాగేజీ 55 సెంటీమీటర్ల ఎత్తు, 35 సెంటీమీటర్ల పొడవు, 25 సెంటీమీటర్ల వెడల్పుని మించకూడదు.

--లెనిన్ కుమార్ (మాగల్ఫ్ ప్రతినిధి,ఒమన్)