రియాద్‌: మహిళలు కార్లను నడపడం సర్వసాధారణంగా మారుతున్నప్పటికీ, బైక్స్‌ని మహిళలు నడపడం అనేది ఇంకా లేదు. అయితే, మహిళల డ్రైవింగ్‌పై నిషేధం ఎత్తివేసిన తర్వాత, బైక్‌లను నడిపేందుకూ మహిళలు ముందుకొస్తున్నారు. అయితే, బైక్‌ డ్రైవింగ్‌పై ట్రైనింగ్‌ ఇచ్చేందుకు ఒకే ఒక్క మహిళా ఇన్‌స్ట్రక్టర్‌ కింగ్‌డమ్‌లో వుండడం విశేషం. ఉక్రేనియన్‌ ఇన్‌స్ట్రక్టర్‌ ఎలెనా బుకార్యెవా ఈ ఘనతను సొంతం చేసుకున్నారు. ప్రస్తుతం ఆమె నడుపుతున్న ట్రైనింగ్‌ సెంటర్‌లో 43 మంది వరకు శిక్షణ పొందుతున్నారు. వీరిలో 20 మంది సౌదీలు, మిగిలినవారిలో ఈజిప్టియన్స్‌, లెబనీస్‌ తదితరులున్నారు. ఫీల్డ్‌ ట్రైనింగ్‌లో భాగంగా అన్ని విషయాలపైనా అవగాహన కల్పిస్తామని బుకార్యెవా చెప్పారు.