ఒమన్:కనుచూపు మేర ఇసుక మేటలు. పలుకరించే నాధుడు లేడు. వెహికిల్ మధ్యలో పాడైపోయింది. ఎటు వెళ్లాలో తెలియదు. అలా మూడు రోజులు ఎడారిలోనే సాయం కోసం ఎదురుచూస్తు బిక్కుబిక్కుమంటూ గడిపాడో ఎమిరాతి వ్యక్తి. అల్ షార్కియా ఎడారిలో కార్ రైడ్ వెళ్లిన వ్యక్తి..వెహికిల్ బ్రేక్ డౌన్ అవటంతో ఎడారి మధ్యలో చిక్కుకుపోయాడు. అల్ షార్కియా గవర్నేట్ లోని అల్ నక్డా ఎడారిలో ఈ ఘటన చోటు చేసుకుంది. అయితే..అతన్ని రక్షించేందుకు రాయల్ ఒమన్ పోలీసులు సెర్చ్ అపరేషన్ చేపట్టింది. ఎట్టకేలకు మూడు రోజుల తర్వాత రెస్క్యూ టీంకు అతని ఆచూకీ చిక్కింది. ఎమిరాతి వ్యక్తిని రక్షించి ఎడారి నుంచి సమీప పోలీస్ స్టేషన్ కు తరలించారు.