ఖతార్‌లో సుమారు 113 యాక్సిడెంట్స్‌ ఈ రోజు (19 జనవరి) నమోదయ్యాయి. విపరీతంగా పొగమంచు ఆవరించడంతో వాహనదారులు విజిబిలిటీ లేక ఇబ్బందులు పడ్డారు. ఈ క్రమంలోనే అనేక యాక్సిడెంట్స్‌ జరిగాయి. అయితే ప్రాణ నష్టం ఏమీ సంభవించలేదు. అలాగే తీవ్ర గాయాలైన సందర్భాలు కూడా తక్కువే. ప్రమాదాల్ని నివారించేందుకు అధికారులు తగిన చర్యలు చేపడుతున్నారు. భద్రతా ప్రమాణాల్ని పాటించాలనీ, అలాగే వాతావరణ శాఖ హెచ్చరికల్ని పరిగణనలోకి తీసుకోవాలని అధికారులు సూచించారు. విజిబిలిటీ తక్కువగా ఉంటుంది గనుక, వేగ నియంత్రణ పాటించడం, అలాగే ఓ వాహనం ఇంకో వాహనంతో తగిన దూరాన్ని పాటించడం వంటివి చేయాలని అధికారులు చెప్పారు. ఫాగ్‌ లైట్స్‌, లో బీమ్‌ లైట్స్‌ని ఉపయోగించడం శ్రేయస్కరమని అధికారులు అన్నారు.