అబుధాబి:ఫెడరల్‌ అథారిటీ ఫర్‌ న్యూక్లియర్‌ రెగ్యులేషన్‌ - ఎఫ్‌ఎఎన్‌ఆర్‌, బరాకా న్యూక్లియర్‌ పవర్‌ ప్లాంట్‌ యూనిట్‌ వన్‌కి సంబంధించి ఆపరేటింగ్‌ లైసెన్స్‌ని నవాహ్‌ ఎనర్జీ కంపెనీకి మంజూరు చేసినట్లు వెల్లడించింది. దీంతో, అరబ్‌ దేశాల్లో న్యూక్లియర్‌ ప్లాంట్‌ అమలు చేస్తున్న తొలి దేశంగా యూఏఈ అవతరించింది. అబుదాబీలో ఈ మేరకు ఓ ప్రెస్‌మీట్‌ నిర్వహించారు. ఎఫ్‌ఎఎన్‌ఆర్‌ ప్రతినిథులు మాట్లాడుతూ, అబుదాబీలోని అల్‌ దఫ్రాలో గల న్యూక్లియర్‌ ప్లాంట్‌ - యూనిట్‌ వన్‌ ఆపరేషన్స్‌కి సంబంధించి 60 ఏళ్ళ పరిమితితో లైసెన్స్‌ మంజూరు చేసినట్లు పేర్కొన్నారు. ఎమిరేట్స్‌ న్యూక్లియర్‌ ఎనర్జీ కార్పొరేషన్‌ తాలూకు సబ్సిడరీ సంస్థ నవాహ్‌. యూఏఈ న్యూక్లియర్‌ ఎనర్జీ ప్రోగ్రామ్ కి సంబంధించి 12 ఏళ్ళ కల నేడు నెరవేరిందని అధికారులు పేర్కొన్నారు.