యూఏఈ: 30 ఏళ్ళ అరబ్‌ వ్యక్తికి న్యాయస్థానం ఆరేళ్ళ జైలు శిక్ష విధించింది. దొంగతనానికి పాల్పడే క్రమంలో నిందితురడు పోలీస్‌ అవతారమెత్తినట్లు విచారణలో తేలింది. ఓ మహిళ ఇంటి నుంచి నిందితుడు ఖరీదైన జ్యుయెలరీ, నగదు, అలాగే మొబైల్‌ ఫోన్‌ని దొంగిలించినట్లు పోలీసులు పేర్కొన్నారు. తెల్లవారు ఝామున తమ సోదరి ఇంటి నుంచి తమ ఇంటికి తిరిగి వస్తున్న సమయంలో ఇద్దరు వ్యక్తులు పోలీస్‌ అధికారుల్లా తమను బెదిరించారనీ, సీఐడీ అధికారులమని చెప్పి ఇంట్లోకి ప్రవేఙంచారనీ, ఎమిరేట్‌ ఐడీలు చూపించాల్సిందిగా డిమాండ్‌ చేశారనీ, ఆ తర్వాత తమ ఇంట్లోంచి విలువైన వస్తువులు దోచుకెళ్ళారని బాధితురాలు ఫిర్యాదు చేశారు. రంగంలోకి దిగిన పోలీసులు విచారణ జరిపి, నిందితుడ్ని అరెస్ట్‌ చేశారు. ఈ కేసులో మరో నిందితుడు పరారీలో వున్నాడు.