డాలర్‌తో రూపాయి మారకం విలువ బలపడుతోంది. ఈ రోజు ఉదయం మార్కెట్‌ ప్రారంభం నుంచి రూపాయి విలువ బలపడుతూ వస్తోంది. ప్రస్తుతం రూపాయి మారకం విలువ 26 పైసలు బలపడి 67.76 వద్ద కొనసాగుతోంది. అంతర్జాతీయ మార్కెట్ల ప్రభావం కారణంగా బుధవారం రూపాయి మారకం విలువ ఒక్కసారిగా.. రెండేళ్ల కనిష్ఠ స్థాయికి పడిపోయిన సంగతి తెలిసిందే. అయితే విదేశీ మార్కెట్ల వృద్ధితో పాటు.. దేశీయ ఈక్విటీ మార్కెట్లు బలపడిన నేపథ్యంలో రూపాయి విలువ కాస్త కోలుకుని.. స్వల్పంగా బలపడిందని మార్కెట్‌ నిపుణులు పేర్కొంటున్నారు.