మస్కట్‌: ఒమన్‌ ఎయిర్‌, ఇండియా నుంచి వచ్చిన ఓ విమానం ఎమర్జన్సీ ఎవాక్యుయేషన్‌కి గురైనట్లు వెల్లడించింది. మస్కట్‌ ఇంటర్నేషనల్‌ ఎయిర్‌పోర్ట్‌లో ఈ ఘటన చోటు చేసుకుంది. బెంగళూరు నుంచి వచ్చిన విమానంలో స్మోక్‌ ఇండికేషన్‌ కారణంగా, ఎమర్జన్సీ ఎవాక్యుయేషన్‌ చేశారు. ఈ క్రమంలో ఎవరికీ ఎలాంటి అనారోగ్య సమస్యలూ తలెత్తలేదనీ, ప్రయాణీకులంతా క్షేమంగా వుండేలా తగిన చర్యలు తీసుకున్నామనీ, ప్రొసీజర్‌ అనంతరం ప్రయాణీకులంతా వారి వారి గమ్యస్థానాలకు క్షేమంగా చేరుకున్నారని ఒమన్‌ ఎయిర్‌ వెల్లడించింది. ప్రయాణీకులకు కలిగిన అసౌకర్యానికి చింతిస్తున్నట్లు ఒమన్‌ ఎయిర్‌ పేర్కొంది.