అబుధాబి లోని తెలుగు కళా స్రవంతి వారి ఆధ్వర్యంలో సంక్రాంతి సంబరాలు ఉదయం 9గంటల నుండి సాయంత్రం 6గంటల వరకు  ఘనంగా జరిగాయి. కార్యక్రమానికి 600 మందికి పైగా మంది కుటుంబాలతో సహా హాజరయ్యారు.మొదటగా సంక్రాంతి విశిష్టతను తెలుగు భాష గొప్పతనాన్ని వివరిస్తూ 38  తెలుగు బడి పిల్లల కార్యక్రమం అందరిని ఆకట్టుకుంది. తర్వత అబూధాబి మహిళలు గొబ్బిమ్మలు పేర్చి  పాటలతో హోరెత్తించారు,ఆ వెంటనే వనిత సంస్థ ద్వార ముగ్గుల  పోటీలు నిర్వహించారు. ఇందులో భాగంగా అబుధాబి అతివలు బృందాలుగా ఏర్పడి  ఆకర్షనీయమైన ముగ్గులు వేశారు.తర్వాత పిల్లల ఆటల పోటీలు,పురుషుల కబడ్డీ,స్త్రీల ఖోఖో పోటీలు నిర్వహించారు.సాంప్రదాయ తెలుగు వంటకాలతో భోజన కర్యక్రమం ముగించుకొని తర్వాత పిల్లలకు భోగిపళ్ల కార్యక్రమం నిర్వహించారు.చివరాగ  తెలుగు క్యాలెండరు,బహుమతుల పంపిణి,లక్కి బహుమతుల పంపిణితో కార్యక్రమం ముగిసింది.తెలుగు కళా స్రవంతికి చెందిన 25 కో-ఆర్డినేటర్స్ ఈ కార్యక్రమాన్ని కలసికట్టుగా జయప్రదం చేసారు.  

మాగల్ఫ్ టీం తరుపున 'తెలుగు కళా స్రవంతి' వారికి అభినంధనులు