బహ్రెయిన్:కరోనా మహమ్మారి నేపథ్యంలో రద్దైన అంతర్జాతీయ సర్వీసులను తిరిగి ప్రారంభిస్తున్నట్లు బహ్రెయిన్ ప్రకటించింది.మనామాకు చెందిన గల్ఫ్ ఎయిర్ ప్రయాణికుల కోసం తమ సర్వీసులను పునరుద్ధరిస్తున్నట్లు తమ అధికారిక ట్విట్టర్ ఖాతాలో వెల్లడించింది. అయితే..దేశంలోకి బహ్రెయినీలతో పాటు దేశంలో నివసిస్తున్న వారికి మాత్రమే ఎంట్రీ పరిమితం చేసినట్లు కూడా తెలిపింది. బహ్రెయిన్ పౌర విమానయాన అధికారులు జారీ చేసిన కొత్త నిబంధనలకు అనుగుణంగా, బహ్రెయిన్ అంతర్జాతీయ విమానాశ్రయం ద్వారా వచ్చే దేశ పౌరులకు, రెసిడెంట్స్ ని స్వాగతిస్తున్నాము అని గల్ఫ్ ఎయిర్ ట్వీట్ చేసింది.