1,340 ఐవరీ భాగాల్ని దుబాయ్‌ ఇంటర్నేషనల్‌ ఎయిర్‌పోర్ట్‌లో సెక్యూరిటీ సిబ్బంది పట్టుకున్నారు. మినిస్ట్రీ ఆఫ్‌ ఎన్విరాన్‌మెంట్‌కి ఈ ఐవరీ భాగాల్ని అప్పగించారు. అంతర్జాతీయంగా ఐవరీ ట్రేడ్‌ నిషేధించబడిందనీ, అయినప్పటికీ అక్రమ మార్గాల్లో ఐవరీ రవాణా కొనసాగుతుందని దుబాయ్‌ ఎయిర్‌పోర్ట్‌ సెక్యూరిటీ డిపార్ట్‌మెంట్‌ డైరెక్టర్‌ కల్నల్‌ హమూదా అల్‌ అమ్రి చెప్పారు. ఎయిర్‌పోర్ట్‌లో సెక్యూరిటీ పటిష్టంగా ఉందనీ, ఎలాంటి అక్రమ రవాణాకీ తావు లేకుండా సిబ్బందికి శిక్షణ ఇచ్చామని ఆయన అన్నారు. వన్య ప్రాణులు, నిషేధిత చెట్లు అలాగే, అంతరించిపోతోన్న జాతుల సంరక్షణకు ప్రతి ఒక్కరూ సహకరించాలని ఆయన కోరారు.