బహ్రెయిన్: డ్రైవింగ్‌ చేస్తున్నప్పుడు, బయటి ప్రాంతాల్లో వున్నప్పుడు మాస్క్‌ల వినియోగం అవసరం లేదనీ మినిస్ట్రీ ఆఫ్‌ హెల్త్‌ స్పష్టతనిచ్చింది. కరోనా వైరస్‌పై అవగాహన క్యాంపెయిన్‌లో భాగంగా మినిస్ట్రీ ఆఫ్‌ హెల్త్‌ ఈ వ్యాఖ్యలు చేసింది. మాల్స్‌, స్టోర్స్‌, పబ్లిక్‌ ప్లేస్‌లు అలాగే వర్క్‌ ప్లేస్‌లలో మాత్రం మాస్క్‌ల వినియోగం తప్పనిసరి అని మినిస్ట్రీ ఆఫ్‌ హెల్త్‌ పేర్కొంది. గురువారం సాయంత్రం నుంచి ఈ ఆదేశాలు అమల్లోకి వచ్చాయి. సరైన రీతిలో ఫేస్‌ కవర్‌ అయ్యేలా మాస్క్‌లు ధరించాలన్నది మినిస్ట్రీ చేసిన సూచనలో భాగం. ఫేస్‌ మాస్క్‌ని వినియోగించిన తర్వాత డిస్పోజ్‌ చేసే విధానంపైన కూడా కొన్ని గైడ్‌ లైన్స్‌ జారీ చేయడం జరిగింది. మినిస్ట్రీ ఆఫ్‌ హెల్త్‌ వెబ్‌సైట్‌లో పూర్తి వివరాల్ని పొందుపర్చారు. ఎప్పటికప్పుడు సోషల్‌ మీడియా ద్వారా కరోనా వైరస్‌ పట్ల అవగాహనా కార్యక్రమాలు చేపడుతోంది మినిస్ట్రీ ఆఫ్‌ హెల్త్‌.