కువైట్:లాక్ డౌన్ కష్టాలు ఎదుర్కొంటున్న కార్మికులకు కువైట్ రెడ్ క్రెసెంట్ సొసైటీ బాసటగా నిలుస్తోంది. అల్ మహబౌలాలోని కార్మికులకు దాదాపు పదిహేను వందల ఫుడ్ బాస్కెట్లను పంపిణీ చేసింది. కరోనా వైరస్ వ్యాప్తి నియంత్రణలో భాగంగా కువైట్ లో కొన్నాళ్లుగా లాక్ డౌన్ నిబంధనలను అమలులోకి తీసుకొచ్చిన విషయం తెలిసిందే. దీంతో లాక్ డౌన్ అమలులోకి వచ్చిన నాటి నుంచి కార్మికులకు ఆహార పదార్ధాలను అందిస్తున్నట్లు కువైట్ రెడ్ క్రెసెంట్ సొసైటీ వెల్లడించింది. అల్ మహబౌలా, జలీబ్ అల్-షుయౌఖ్ లోని ప్రాంతాల్లో సహాయక చర్యలు కొనసాగుతున్నాయని వివరించారు. అలాగే జహ్రా, తైమా ప్రాంతాల్లోని కార్మికులకు అవసరమైన నిత్యావసర సరుకుల కూడా పింపిణీ చేస్తున్నట్లు KRCS తెలిపింది.