కువైట్: కరోనా వైరస్ పై పోరాటంలో ప్రజలను రక్షించేందుకు డాక్టర్లు, ఇతర వైద్య సిబ్బంది ప్రాణాలకు తెగించి పని చేస్తున్నారు. అలాంటి వారిపై దాడి చేయటం నిజంగా అమనుషమే. కువైట్ లో ఇటీవలె ఇలాంటి ఘటనే చోటు చేసుకుంది. పవిత్ర వైద్య రంగంలో ఉండి తన సేవల ద్వారా మానవత్వాన్ని చాటుకుంటున్న ఓ డాక్టర్ పై ఓ అగంతకుడు దాడికి తెగబడ్డాడు. అయితే..ఈ ఘటనపై కువైట్ ఆరోగ్య శాఖ మంత్రి షేక్ డా. బాసిల్ అల్ సబా తీవ్ర ఆగ్రహం వ్యక్తం చేశారు. వైద్య సిబ్బందిపై దాడులను అసలు సహించేది లేదని ఆయన హెచ్చరించారు. మరోసారి ఇలాంటి అమానుషమైన, నిసిగ్గు ఘటనలు చోటు చేసుకోకుండా డాక్టర్ పై దాడి చేసిన వ్యక్తిపై చట్టపరమైన చర్యలు తీసుకుంటామని అన్నారు.