షార్జా:షార్జా గవర్నరేట్ పరిధిలో ఓ అగ్నిమాపక ఉద్యోగి ప్రమాదవశాత్తు దుర్మణం పాలయ్యాడు. కరోనా వైరస్ వ్యాప్తి నివారణలో భాగంగా షార్జా అధికారులు అల్ ఖన్ బ్రిడ్జి దగ్గర చేపట్టిన క్రిమి సంహారక ప్రక్రియ (స్టెరిలైజేషన్) నిర్వహిస్తుండగా ఈ ప్రమాదం జరిగింది. 31 ఏళ్ల ఎమిరాతి ఫైర్ ఫైటర్.. ఫైర్ ట్రక్ ను డ్రైవ్ చేస్తూ ప్రమాదవశాత్తు ఓ ఇనుప బారియర్ ను ఢి కొటడంతో వాహనం పలు మార్లు పల్టికొట్టింది. దీంతో ఫైర్ ఫైటర్ కు తీవ్రగాయాలయ్యాయి. రాత్రి 10 గంటల సమయంలో విషయం తెల్సుకున్న పోలీసులు కేవలం రెండు నిమిషాల్లోనే సంఘటన స్థలానికి చేరుకున్నారు. ప్రామాదానికి గురైన ఫైర్ ఫైటర్ ను సమీపంలోని అల్ ఖస్సిమి ఆస్పత్రికి తరలించారు. అయితే..ఆయన అప్పటికే మరణించినట్లు ఆస్పత్రి వర్గాలు ప్రకటించినట్లు పోలీసులు వెల్లడించారు. మృతుడు ఫుజైరాకు చెందిన వ్యక్తిగా గుర్తించారు.