కువైట్‌: యజమానులు, తమ వద్ద పనిచేసేవారి జీతాల్ని తగ్గించకుండా సంబంధిత ఆర్టికల్‌ని అమెండ్‌ చేసేందుకు కువైట్‌ ప్రభుత్వం పరిశీలన చేస్తోంది. ఆర్టికల్‌ 28 - లేబర్‌ చట్టం ప్రకారం ప్రైవేట్‌ సెక్టార్‌లో యజమాని - పనిచేసేవారి మధ్య నెగోషియేషన్స్‌పై ఇప్పటిదాకా వున్న ఒప్పంద సానుకూలతలకు చెక్‌ పెట్టడం ఎలా.? అన్నదానిపై కువైట్‌ ప్రభుత్వం సమాలోచనలు చేస్తోంది. కరోనా వైరస్‌ నేపథ్యంలో నెలకొన్న పరిస్థితుల నడుమ జీతాల తగ్గింపు పనివారిపై తీవ్ర ప్రభావం చూపుతుందని పలు నివేదికలు తేటతెల్లం చేస్తున్నాయి. ఆర్టికల్‌ 28 ప్రకారం పరిమిత కాలానికి లేదా అపరిమిత కాలానికి వర్కర్స్‌ వేతనం తగ్గించడానికి వీల్లేదు. కాంట్రాక్ట్‌కి భిన్నంగా ఎలాంటి పనినీ యజమాని, వర్కర్‌తో చేయడానికి వీల్లేదని కూడా ఆర్టికల్‌ 28 చెబుతోంది.

--దివాకర్(మాగల్ఫ్ ప్రతినిధి,కువైట్)