అబుధాబి:మే 2 నుంచి గలేరియా అల్‌ మర్యాహ్‌ ఐలాండ్‌ సెంటర్‌ పునఃప్రారంభమయ్యింది. అబుధాబి గ్లోబల్‌ మార్కెట్‌ మరియు అబుధాబి ఎకనమిక్‌ డిపార్ట్‌మెంట్‌ ఇన్‌స్పెక్షన్స్‌ అనంతరం ఈ సెంటర్‌ ప్రారంభానికి అనుమతులిచ్చినట్లు అధికారులు తెలిపారు. కేవలం 30 శాతం మంది కస్టమర్‌ కెపాసిటీతో గలేరియా  అందుబాటులోకి వచ్చింది. పార్కింగ్‌ స్పేస్‌ని తగ్గించడం, ఫుడ్‌ ఔట్‌లెట్స్‌ని రివైజ్‌ చేయడం వంటివి పూర్తి చేశాక అనుమతులు మంజూరు చేశారు. కరోనా వైరస్‌ నేపథ్యంలో ఎంప్లాయీస్‌ మరియు షాపర్స్‌ ఆరోగ్యాన్ని దృష్టిలో పెట్టుకుని ఈ చర్యలు తీసుకున్నారు. రమదాన్‌ నేపథ్యంలో మధ్యాహ్నం 12 గంటల నుంచి రాత్రి 9 గంటల వరకు మాల్‌ తెరిచి వుంటుంది. సూపర్‌ మార్కెట్స్‌ మరియు ఫార్మసీస్‌ ఉదయం 9 గంటల నుంచి రాత్రి 10 గంటల వరకు తెరిచి వుంటాయి.

--ప్రదీప్(మాగల్ఫ్ ప్రతినిధి,అబుధాబి)