కువైట్:ఆర్డికల్ 17 మేరకు ప్రభుత్వ ఉద్యోగులకు నివాస అనుమతి రెన్యూవల్, అలాగే తాత్కాలిక నివాస అనుమతిని శాశ్వత నివాస అనుమతిగా బదిలీ చేసే సేవలు ఇక ఆన్ లైన్ లో అందుబాటులోకి రానున్నాయి. దీనికి సంబంధించి వచ్చే వారంలో ఆన్ లైన్ సేవలను ప్రారంభించబోతున్నట్లు అధికారులు వెల్లడించారు. ఆర్టికల్ 18, ఆర్టికల్ 22 మేరకు ఇప్పటికే ఆన్ లైన్ సేవలు అందుబాటులోకి వచ్చిన సంగతి తెలిసిందే. గత ఏడాది కాలంలో కువైట్ లోని ప్రతి నివాస సెక్టార్ లో దాదాపు 450 వేలకుపైగా ఎలక్ట్రానిక్ ట్రాన్సాక్షన్స్ నిర్వహించినట్లు అధికారులు వెల్లడించారు. ఇక ఆన్ లైన్ సేవలు ప్రారంభించిన నాటి నుంచి ఇప్పటివరకు ఆర్టికల్ 18 మేరకు 70 వేల మందికి, ఆర్టికల్ 22 మేరకు 43 వేల మందికి ఆన్ లైన్ లో రెసిడెన్సీ రెన్యూవల్స్ చేసినట్లు అధికారులు తెలిపారు. 

--దివాకర్(మాగల్ఫ్ ప్రతినిధి,కువైట్)