సౌదీ అరేబియా:సంవృద్ధిగా చమురు నిల్వలుండి ప్రపంచ దేశాలకు సరఫరా చేస్తున్న గల్ఫ్ దేశాలు.. ప్రస్తుతం విజృంభిస్తున్న కరోనా కారణంగా ఆర్థిక ఒడుడుగులను ఎదుర్కొంటున్నది. నానాటికి తగ్గుముఖం పడుతున్న చమురు ధరలు ఒకవైపు, దేశ ఆర్థిక పరిస్థితి మరోవైపు వెరసి సౌదీఅరేబియాను ముప్పతిప్పలు పెడుతోంది. దీంతో సౌదీ అరేబియా దిద్దుబాటు చర్యలు చేపట్టయింది. 

విలువ ఆధారిత పన్నును (వ్యాట్) ను పెంచింది. జీవన ప్రమాణ భత్యం ని తీసివేయాలని నిర్ణయించారు. ఈ విషయాన్ని సౌదీ ప్రెస్ ఏజెన్సీ సోమవారం అధికారికంగా ప్రకటించింది. రానున్న జులై 1నుంచి వ్యాట్ ను 5నుంచి 15 శాతం పెంచుతున్నట్లు, జీవన భత్యం జూన్ 1 తొలగిస్తున్నట్లు ఆర్థిక మంత్రి అల్ జదాన్ ప్రకటించారు. అతిత్వరలో క్లిష్టమైన, బాధాకరమైన నిర్ణయాలు ఉంటాయని గతవారం ఆయన అన్నారు. దీనికి అనుగుణంగానే ఈ ప్రకటన వెలువడిందని భావించాలి. బడ్జెట్ ఖర్చులు తగ్గుముఖం పట్టేలా చర్యలు తీసుకుంటామని ఆయన తెలిపారు. ప్రభుత్వం చేపడుతున్న ప్రాజెక్టులు కూడా నెమ్మదించే అవకాశం ఉందని.. ఇది ఖర్చులు తగ్గించే దిశలో ఒక విధానంగా భావిస్తున్నామని ఆర్థిక మంత్రి తెలిపారు. రానున్న కాలంలో మరింత ఇబ్బందికర పరిస్థితులను ఎదుర్కోవాల్సి వస్తుందని అన్నారు. ఒకవైపు ఖర్చులు తగ్గించుకోవడం మరోవైపు ఆర్ధిక వ్యవస్థ పరిపుష్టం చేయడం వంటి రెండు మార్గాలు ఒకటేసారి అమలు చేయాల్సి ఉంటుందన్నారు.

సౌదీలోనూ పడగవిప్పిన కరోనా

ఆర్ధికంగా అగ్రరాజ్యం అమెరికా లొనే ఈ ఏప్రిల్ నెలలో 20 మిలియన్ల మంది ఉద్యోగాలు కోల్పోయారు.సోమవారం నాటికి ప్రపంచ వ్యాప్తంగా కోవిద్ 19 వల్ల 4.18 మిలియన్ మందికి వ్యాధి సోకింది. ఇందులో 2.83 లక్షల మంది మృత్యువాత పడ్డారు. చైనాలోని వ్యూహాన్ లో గత డిసెంబరు లో ఈ వ్యాధి ప్రారంభమయింది. సౌదీఅరేబియాలో ఇప్పటివరకు 39,048 కరోనా సోకగా అందులో 27,345 యాక్టివ్ కేసులు ఉన్నాయి. అందులో 11, 457 మంది బయట పడ్డారు.
సౌదీఅరేబియాలో లో ఇప్పటి వరకు 246 మంది మృత్యువాత పడ్డారు.