యూ.ఏ.ఈ:పవిత్ర రమదాన్ మాసంలో అర్హులైన లబ్ధిదారులకు దుబాయ్ ఇస్లామిక్ బ్యాంక్ ఆర్ధిక సాయం అందించింది.రస్ అల్ ఖైమా స్వచ్ఛంద సంస్థ ఆధ్వర్యంలో దాదాపు 4,300 మంది కుటుంబాలకు సాయం అందించారు. ఒక్కో కుటుంబానికి Dh1,500 నుంచి Dh5,000 వరకు బ్యాంకులో డిపాజిట్ చేశారు.కుటుంబ సభ్యుల లెక్క ఆధారంగా ఆర్ధిక సాయం విలువను నిర్ధారించినట్లు స్వచ్చంద సంస్థ నిర్వాహకులు తెలిపారు. ఆర్ధిక సాయం డబ్బులను కొందరికి నేరుగా బ్యాంకులో డిపాజిట్ చేస్తే..మరికొందరికి ఎక్సేంజ్ హౌజ్ ద్వారా లబ్ధదారులకు అందించారు.అలాగే స్టాఫ్ మెంబర్స్ ద్వారా ఇంకొందరికి ఆర్ధిక సాయం అందజేశారు. ఇదిలాఉంటే..నగదు పంపిణీలో కరోనా వైరస్ నియంత్రణకు అనుసరించాల్సిన అన్ని జాగ్రత్త చర్యలను పాటించినట్లు స్వచ్చంద సంస్థ నిర్వాహకులు తెలిపారు.