దుబాయ్:దుబాయ్ పోలీస్‌, ఏడుగురు వ్యక్తుల్ని అరెస్ట్‌ చేసి 1,483 ఆల్కహాల్‌ బాటిల్స్‌ని స్వాధీనం చేసుకున్నారు. ఈద్‌ అల్‌ పితర్‌ సెలవుల్లో ఈ అరెస్టులు చోటు చేసుకున్నాయి. జబెల్‌ అలి పోలీస్‌ స్టేషన్‌ డైరెక్టర్‌ డాక్టర్‌ అదెల్‌ మొహమ్మద్‌ అల్‌ సువైది మాట్లాడుతూ, ఓ ఎడారిలో బాటిల్స్‌ని డంప్‌ దాచి పెట్టి వుంచారని చెప్పారు. ఆసియాకి చెందిన ముగ్గురు వ్యక్తులు ఓ వుడెన్‌ బాక్స్‌ని బయటకు తీశారనీ, పోలీసులు వారిని రెడ్‌ హ్యాండెడ్‌గా అరెస్ట్‌ చేసి, వారి నుంచి 1,110 బాటిల్స్‌ స్వాధీనం చేసుకున్నారని పోలీసులు పేర్కొన్నారు. మరో ఘటనలో ఇద్దరు ఆసియా జాతీయులు ఆల్కహాల్‌ తరలిస్తుండగా, వారిని అరెస్ట్‌ చేసినట్లు చెప్పారు. వారి నుంచి 115 బాటిల్స్‌ స్వాధీనం చేసుకున్నారు. మూడో ఘటన ఇండస్ట్రియల్‌ ఏరియాలో జరిగింది. మొత్తం 258 బాటిల్స్‌ని పోలీసులు సీజ్‌ చేశారు.