దుబాయ్:ఎమిరేట్స్‌ ఎయిర్‌లైన్‌ ప్రెసిడెంట్‌ సర్‌ టిమ్ క్లార్క్‌ మాట్లాడుతూ, కరోనా వైరస్‌ నేపథ్యంలో ఎయిర్‌ ట్రావెల్‌ దారుణంగా దెబ్బతిందనీ, అది మునుపటి స్థాయికి రావాలంటే కొంత సమయం పడుతుందనీ, 2021 సమ్మర్‌ నాటికి పరిస్థితి పూర్వ స్థాయికి చేరుకుంటుందని అంచనా వేస్తున్నామని అన్నారు. కరోనా వైరస్‌కి వ్యాక్సిన్‌ కనుగొనేవరకూ ఎయిర్‌ ట్రావెల్‌ రంగం పుంజుకోవడం కష్టమేనని అభిప్రాయపడ్డారు. జీతాల్లో కోత సహా అనేక సమస్యల నేపథ్యంలో ప్రజలు ఇబ్బందులు ఎదుర్కొంటున్నారనీ, ఈ నేపథ్యంలో ఇదివరకటి స్థాయిలో ప్రజలు ఖర్చు చేసే అవకాశాలు ఇప్పట్లో వుండకపోవచ్చని టిమ్ క్లార్క్‌ అభిప్రాయం వెలిబుచ్చారు. కోవిడ్-‌19కి ముందున్న నెట్‌వర్క్‌ని అందుకోవడానికి ఎమిరేట్స్‌ ఎయిర్‌లైన్‌ మూడు నాలుగేళ్ళ సమయం తీసుకున్నా ఆశ్చర్యపోనక్కర్లేదని అంటున్నారాయన.