అబుధాబి లోపలికి వచ్చే అలాగే బయటకు వెళ్ళే ప్రయాణాలకు సంబంధించి ట్రావెల్‌ బ్యాన్‌ని మరో వారం పొడిగించింది అబుధాబి. ఈ మేరకు సీనియర్‌ హెల్త్‌ అధికారి ఒకరు వెల్లడిస్తూ, పెద్దయెత్తున టెస్టింగ్‌ డ్రైవ్‌ చేపడ్తున్న దరిమిలా ఈ నిర్ణయం తీసుకున్నట్లు చెప్పారు. అబుధాబి సిటీ, అల్‌ అయిన్‌ మరియు అల్‌ దర్భా రెసిడెంట్స్‌ తమ సిటీల్లో ప్రయాణించవచ్చుననీ కానీ తమ నగరాల్ని విడిచి వెళ్ళే ప్రయత్నం చేయరాదని అధికారులు సూచిస్తున్నారు. జూన్‌ 2న ప్రారంభమైన ఈ విధానం తర్వాత, రాత్రి వేళల్లో 10 నుంచి 6 గంటల వరకు డిస్‌ఇన్ఫెక్షన్‌ వర్క్‌ జరుగుతోంది. ఎంపిక చేసిన విభాగాల్లో పనిచేస్తున్నవారికి, విమాన మార్గంలో ప్రయాణించేవారికి, ప్రత్యేక పరిస్థితుల్లో వున్నవారికి కొన్ని వెసులుబాట్లు కల్పించారు. 

--సుమన్(మాగల్ఫ్ ప్రతినిధి,అబుధాబి)