మనామా:పోలీసు అధికారులపై దాడి చేసిన కేసులో ఓ వ్యక్తికి శిక్ష విషయమై రెండు వారాల్లో హై క్రిమినల్‌ అపీల్స్‌ కోర్టు తీర్పుని వెల్లడించనుంది. ఈ కేసులో హై క్రిమినల్‌ కోర్ట్‌, ది ఫస్ట్‌ కోర్ట్‌ ఇప్పటికే నిందితుడికి ఐదేళ్ళ జైలు శిక్ష వేయగా, దాన్ని నిందితుడు అప్పీల్‌ కోర్టులో సవాల్‌ చేయడం జరిగింది. విధుల్లో వున్న పోలీసులపై నిందితుడు దాడికి పాల్పడినట్లు అభియోగాలున్నాయి. ఈ ఘటన ముహరాక్‌లో జరిగింది. ఇద్దరు మహిళలతో నిందితుడు గొడవ పడుతుండగా, పెట్రోల్‌ సిబ్బంది అక్కడకు చేరుకున్నారు. ఈ క్రమంలో నిందితుడు, ఓ పోలీస్‌ అధికారిపై దాడి చేయగా, ఓ పోలీస్‌ అధికారి ముక్కుకి తీవ్ర గాయమయ్యింది. మరో ఇద్దరు కూడా ఈఘటనలో గాయపడ్డారు. ఘటన జరిగిన సమయంలో నిందితుడు మద్యం మత్తులో వున్నాడు.