మస్కట్‌: కరోనా వైరస్‌ నేపథ్యంలో తాత్కాలికంగా నిలిపివేసిన పలు సర్వీసుల్ని జులై 1 నుంచి రాయల్‌ ఒమన్‌ పోలీస్‌ తిరిగి ప్రారంభించనుంది. జనరల్‌ డైరెక్టరేట్‌ ఆఫ్‌ పాస్‌పోర్ట్‌ అండ్‌ రెసిడెన్స్‌కి సంబంధించి సివిల్‌ స్టేటస్‌, వీసా జారీ, వీసా స్టాంపింగ్‌ అలాగే రెసిడెంట్‌ కార్డు సర్వీసులు సహా అనేక సర్వీసుల్ని పునఃప్రారంభించనున్నారు. కరోనా వైరస్‌ నేపథ్యంలో ఆర్‌ఓపీ ఫెసిలిటీస్‌లో ఈ కార్యకలాపాల్ని నిలిపివేశారు. ప్రజల అవసరార్ధం మళ్ళీ అన్ని సర్వీసుల్ని అందుబాటులోకి తెస్తున్నట్లు రాయల్‌ ఒమన్‌ పోలీస్‌ పేర్కొంది.