కువైట్‌ సిటీ: కరోనా వైరస్‌ నేపథ్యంలో తలెత్తిన ఆర్థిక సంక్షోభం కారణంగా ఆయా రంగాలు ఎదుర్కొంటున్న సమస్యల్ని ఎప్పటికప్పుడు పరిష్కరించేందుకు గవర్నమెంట్‌ ఏజెన్సీలు ప్రత్యేక దృష్టిపెట్టినా, అక్కడక్కడా సమస్యలు ఎదురవుతూనే వున్నాయి. మరీ ముఖ్యంగా మైగ్రెంట్‌ వర్కర్స్‌, ప్రస్తుత కరోనా క్రైసిస్‌తో ఆయా కంపెనీల నుంచి వేతనాలు అందక తీవ్ర ఇబ్బందులు ఎదుర్కొంటున్న సందర్భాలు కన్పిస్తున్నాయి. వేలాది మంది క్లీనింగ్‌ వర్కర్స్‌ అలాగే గార్డులు వేతనాల ఆలస్యం కారణంగా సమస్యలు ఎదుర్కొంటున్నారు. పలు కంపెనీలు, తమ కార్మికులకు జీతాలు చెల్లించడం కూడా మానేశాయి.