కువైట్ సిటీ:ఆరోగ్య సమస్యలతో బాధపడుతున్నవారు కర్ఫ్యూ సమయంలో ఆస్పత్రికి వెళ్లాలంటే అనుమతి తప్పనిసరిగా ఉండాలని ప్రకటించింది కువైట్ అంతర్గత మంత్రిత్వ శాఖ. కర్ఫ్యూ నుంచి మినహాయింపు పొందెందుకు వారు వెళ్తున్న ఆస్పత్రి, హెల్త్ సెంటర్ వివరాలను తప్పనిసరిగా తమ దరఖాస్తులో తెలుపాల్సి ఉంటుంది. దరఖాస్తుల కోసం మంత్రిత్వ శాఖ ఓ ప్రత్యేక వెబ్ సైట్ ను కూడా ప్రారంభించింది. https://curfew.paci.gov.kw ద్వారా అప్లై చేసుకోవాల్సి ఉంటుంది. అంతేకాదు..అనుమతి పొందిన వ్యక్తులు...తాము ఆస్పత్రి, హెల్త్ సెంటర్ లో విజిట్ చేసిన తర్వాత చికిత్స వివరాలను కూడా వెబ్ సైట్ లో ఎప్పటికప్పుడు అప్ డేట్ చేయాలి. ఇలా అప్ డేట్ చేయటం ద్వారా భవిష్యత్తులో కూడా కర్ఫ్యూ నుంచి మినహాయింపు ఉంటుంది. ఆస్పత్రికి వెళ్లిన వివరాలను నమోదు చేయకుంటే కర్ఫ్యూ నుంచి మినహాయింపు రద్దు అవుతుంది.