ఇన్ఫర్మేషన్‌ మరియు పార్లమెంట్‌ ఎఫైర్స్‌ మినిస్టర్‌ ఇసా బిన్‌ అబ్దుల్‌ రెహమాన్‌ అల్‌ హమ్మాది, బహ్రెయిన్‌లో మీడియా సంస్థల పనితీరును అభినందించారు. రిప్రెస్‌ ఎంటేటివ్‌ కౌన్సిల్‌ సమావేశంలో మీడియా నిస్పక్షపాతంగా వ్యవహరించాల్సి ఉందని ఆయన అభిప్రాయపడ్డారు. మీడియా సామాజిక బాధ్యతతో వ్యవహరించడం అభినందనీయమని ఆయన అన్నారు. అలాగే, బహ్రెయిన్‌ యువత ఆశలకు తగ్గట్టుగా తమ ప్రభుత్వం, మంత్రిత్వ శాఖ నడుచుకుంటుందని మినిస్టర్‌ చెప్పారు. యువత కోసం పలు స్కీమ్‌లను, పలు స్ట్రాటజీలను మంత్రిత్వ శాఖ తీసుకు వస్తోందనీ ప్రతి ఒక్కరూ వాటిని వినియోగించుకోవాలని ఆయన అన్నారు. స్పెషలైజ్‌డ్‌ కమిటీ ద్వారా రిప్రెజెంటేటివ్స్‌ కౌన్సిల్‌ మెంబర్స్‌ ఇచ్చే సూచనలు, సలహాలను మంత్రిత్వ శాఖ పరిగణనలోకి తీసుకుంటుందని మినిస్టర్‌ వివరించారు.