మనామా:ముక్తా సినిమాస్‌ త్వరలో బహ్రెయిన్‌లో తొలి డ్రైవ్‌ ఇన్‌ సినిమాని ప్రారంభించనుంది. జులై 20న దీన్ని ప్రారంభిస్తారు. ముక్తా సినిమా చీఫ్‌ ఎగ్జిక్యూటివ్‌ ఆఫీసర్‌ అక్షయ్‌ బజాజజ్‌ ఈ విషయాన్ని వెల్లడించారు. పికో ఎగ్జిబిషన్స్‌ సహకారంతో బహ్రెయిన్‌ బే వద్ద దీన్ని ఏర్పాటు చేశారు. సింగిల్‌ స్క్రీన్‌తో ఏర్పాటైన ఈ డ్రైవ్‌ ఇన్‌ సినిమా 100 కార్లను అకామడేట్‌ చేయగలదు. ఎఫ్‌ఎం ఫ్రీక్వెన్సీ ద్వారా మూవీ సౌండ్‌ని బ్రాడ్‌కాస్ట్‌ చేస్తారు. ఒకవేళ కారు ఇంజిన్‌ని ఉపయోగించకపోతే, కారు బ్యాటరీ డ్రెయిన్‌ అయిపోయే అవకాశం వుంటుంది. కాబట్టి, బ్యాటరీ పవర్డ్‌ పోర్టబుల్‌ రేడియో లేదా బూమ్ బాక్స్‌ని వెంట తీసుకెళ్ళడం మంచిది. సినిమా ది¸యేటర్ల మూసివేత నేపథ్యంలో ఈ డ్రైవ్‌ ఇన్‌ సినిమా కాన్సెప్ట్‌ ప్రాచుర్యంలోకి వచ్చింది.