మస్కట్:ఓమన్ లో అర్హులైన కుటుంబాలకు ఉచితంగా ఏసీలను ఏర్పాటు చేయనున్నారు. విద్యుత్ నియంత్రణ అథారిటీ ఆధ్వర్యంలో ఓమన్ ఎన్విరాన్వెమెంటల్ సర్వీస్ హోల్డింగ్ కంపెనీ దర్ అల్ అట్టా అనే స్వచ్ఛంద సంస్థ పాత ఏసీల స్థానంలో కొత్త ఏసీలను ఉచితంగా ఏర్పాటు చేయనుంది. సమాజానికి తోడ్పాటుగా ఉండటం తాము బాధ్యతగా భావిస్తున్నామని విద్యుత్ నియంత్రణ అథారిటీ వెల్లడించింది. అయితే..కొత్త ఏసీల ఏర్పాటు విషయంలో దార్ అల్ అట్టా సంస్థ కొన్ని విధివిధానాలను రూపొందించుకొని ఆ మేరకు అర్హులను ఎంపిక చేయనున్నట్లు అధికారులు తెలిపారు. దీని ప్రకారం పదేళ్లకు మించి పాతబడిన ఏసీల స్థానంలో మాత్రమే కొత్త ఏసీలను ఏర్పాటు చేస్తామని వివరించారు. పాత ఏసీల కారణంగా ఆయా కుటుంబాలకు విద్యుత్ వినియోగం పెరుగుతోందని, వాటి స్థానంలో కొత్త ఏసీలను ఏర్పాటు చేయటం ద్వారా విద్యుత్ ఆదా చేయవచ్చని వెల్లడించారు.