మస్కట్:లాక్ డౌన్ తో వివిధ దేశాల్లో చిక్కుకుపోయిన ప్రవాసీయులు, విద్యార్ధులు ఓమన్ తిరిగి వచ్చేందుకు మార్గం సుగమమైంది. ఆయా దేశాల్లోని ఓమన్ రాయబార కార్యాలయం నుంచి అనుమతి పొందిన వాళ్లంతా ప్రత్యేక విమానాల్లో తిరిగి ఓమన్ రావొచ్చని అధికారులు వెల్లడించారు. లాక్ డౌన్ కు ముందు స్వదేశాలకు వెళ్లిన వారు..ఆఫీసు పనుల నిమిత్తం, వ్యాపార పనుల కోసం విదేశాలకు వెళ్లిన వారు అంతర్జాతీయ విమాన సర్వీసులు రద్దు కావటంతో ప్రపంచంలోని వివిధ దేశాల్లో చిక్కుకుపోయిన విషయం తెలిసిందే. అంతేకాదు..చదువు కోసం విదేశాలకు వెళ్లిన విద్యార్ధులు కూడా అక్కడే ఉండిపోవాల్సి వచ్చింది. అలాంటి వారు వెంటనే ఆయా దేశాల్లోని ఓమన్ రాయబార కార్యాలయాన్ని సంప్రదించి తగిన అనుమతులు పొందాలని, అనుమతి తీసుకున్నవారు నిరభ్యంతరంగా ఓమన్ తిరిగి రావొచ్చని అధికారులు స్పష్టం చేశారు.