హైదరాబాద్‌: తెలంగాణలో గడిచిన 24 గంటల్లో కొత్తగా 1,198 కరోనా పాజిటివ్‌ కేసులు నమోదయ్యాయి. దీంతో రాష్ట్రవ్యాప్తంగా మొత్తం కేసుల సంఖ్య 46,274 చేరింది. వైరస్‌ బాధితుల్లో కొత్తగా 7 మరణాలు సంభవించడంతో మొత్తం మరణాల సంఖ్య 422 కు చేరింది. తాజాగా 1885 మంది కరోనా రోగులు కోలుకోవడంతో మొత్తం సంఖ్య 34,323 కు చేరింది. కోవిడ్‌ బాధితుల  రికవరీ రేటు 74 శాతంగా ఉండటం శుభ పరిణామం. రాష్ట్రంలో ప్రస్తుతం 11,530 యాక్టివ్‌ కేసులున్నాయి. సోమవారం నమోదైన కేసుల్లో GHMC‌ పరిధిలో 510 కేసులు, రంగారెడ్డి 106, కరీంనగర్ 87, మేడ్చల్ 76, వరంగల్ అర్బన్ 73, మహబూబ్‌ నగర్ జిల్లాల్లో 50 కేసులు నమోదయ్యాయి. ఈ మేరకు రాష్ట్ర వైద్యారోగ్య శాఖ వెల్లడించింది.

--హరి(మాగల్ఫ్ ప్రతినిధి,తెలంగాణ)