కువైట్ సిటీ:కువైట్‌ ఎయిర్‌వేస్‌, మరో ఏడు అంతర్జాతీయ గమ్యస్థానాలకు సంబంధించి బుకింగులను ప్రకటించింది. వీటిల్లో ఇండియా కూడా ఒకటి. ముంబై, ఢిల్లీ, కోచి మరియు చెన్నయ్‌లక ఆగస్ట్‌ నుంచి విమాన సర్వీసులు ప్రారంభం కానున్నాయి. లాహోర్‌, మ్యునిచ్‌, బాకు, అమ్మాన్‌, సరాజెవో మరియు కతార్‌లకు కూడా బుకింగులు ప్రారంభమయ్యాయి. కొద్ది రోజుల క్రిత దుబాయ్‌, లండన్‌, జనెనీవా, బీరట్‌, కైరో, బహ్రెయిన్‌, టర్కీలకు రిజర్వేషన్లను ప్రారంభించిన విషయం విదితమే. కువైట్‌ ప్రభుత్వ సూచనతో ఆగస్ట్‌ 1 నుంచి ఎంపిక చేసిన గమ్యస్థానాలకు మాత్రమే విమానాలు నడపుతున్నట్లు కువైట్‌ ఎయిర్‌ వేస్‌ స్పష్టం చేసింది. కరోనా వైరస్‌ నేపథ్యంలో అంతర్జాతీయ ప్రయాణాలకు ఇబ్బందులు ఏర్పడిన విషయం విదితమే. రోజుకి 10,000 మంది ప్రయాణీకులకు మించకుండా 100 విమాన సర్వీసులకు మించకుండా కువైట్‌ అంతర్జాతీయ విమానాశ్రయం తన సేవల్ని అందించనుంది.