మనామా: కోస్ట్‌ గార్డ్‌ కమాండర్‌ వెల్లడించిన వివరాల  ప్రకారం, ఓ బోటు మునిగిపోవడంతో అందులోని ఆరుగురు వ్యక్తులు సముద్రంలోకి జారిపోతుండగా వారిని కోస్ట్‌ గార్డ్‌ రక్షించడం జరిగింది. సెక్యూరిటీ చెక్‌ పాయింట్‌కి ఈ ఘటనపై సమాచారం అందగానే, వెంటనే సంఘటనా స్థలానికి సిబ్బంది చేరుకున్నారు. ఆ బోటుని సురక్షితంగా బయటకు లాగారు. సముద్రంలో బోట్లపై ప్రయాణించేవారు తగిన జాగ్రత్తలు తీసుకోవాలనీ, ఆటోమేటిక్‌ ఐడెంటిపికేషన్‌ డివైజ్‌ సరిగా వుండేలా చూసుకోవాలని, అత్యవసర సమయాల్లో 17700000 నంబర్‌ లేదా హాట్‌లైన్‌ 994కి ఫోన్‌ చేయాలని కోస్ట్‌ గార్డ్‌ కమాండర్‌ సూచించారు.