ప్రముఖ దర్శకుడు రామ్‌గోపాల్‌ వర్మ(ఆర్‌జీవీ) త్వరలో ఆర్‌జీవీ టాకీస్‌ పేరుతో ఓ ఆన్‌లైన్‌ థియేటర్‌ను ప్రారంభిచనున్నట్లు ట్వీట్‌ చేశారు. తన తొలి షార్ట్‌ఫిల్మ్‌ 'సింగిల్‌ ఎక్స్‌'ను యూట్యూబ్‌ ద్వారా త్వరలో విడుదల చేయనున్నట్లు పేర్కొన్నారు. కేవలం తాను రూపొందించినవి మాత్రమే కాకుండా తన అభిరుచికి తగ్గట్లు ఉండే ఎవరి ఫిల్మ్స్‌ అయినా తన బ్యానర్‌పై విడుదల చేస్తానని ఆయన వెల్లడించారు. అయితే తన థియేటర్లో ఎలాంటి సినిమాలకు ప్రాధాన్యం ఉంటుందనే విషయాన్నీ ఆయన స్పష్టంగా వివరించారు. ఎరోటిక్‌, క్రైం, హారర్‌ తదితర జోనర్స్‌లో తెరకెక్కే సినిమాలకు అధిక ప్రాధాన్యం ఇస్తానని అన్నారు.అయితే స్పోర్ట్స్‌,భక్తి తదితర చిత్రాలను ఏ మాత్రం అంగీకరించనని ఎందుకంటే తనకు క్రీడలన్నా.. దేవుడన్నా ఎంత మాత్రం ఆసక్తి లేదని స్పష్టం చేశారు.