దోహా:డీ రింగ్ రోడ్డులో భాగమైన లులు జంక్షన్ ను 6 నెలల పాటు పాక్షికంగా మూసివేస్తున్నట్లు ఖతార్ అంతర్గత వ్యవహారాల మంత్రిత్వ శాఖ ట్వీట్ చేసింది. డీ రింగ్ రోడ్డును ట్రాఫిక్ ఫ్లోకు అనుగుణంగా అభివృద్ధి చేస్తున్నందున ఈ అంతరాయం అనివార్యంగా మారిందని వివరించింది. లులు కూడలిలో ఈ నెల 23 నుంచి వాహనాల రాకపోకలపై ఆంక్షలు ఉంటాయని..ఈ మేరకు మార్పులను  వాహనదారులు గమనించాలని కోరింది. అభివృద్ధి పనుల సమయంలో వాహనాలు వెళ్లాల్సిన దారులకు సంబంధించి ఏర్పాటు చేసిన సైన్ బోర్డులో సూచనలు చేశామని, సూచించిన డైరక్షన్ లో వాహనాలు వెళ్లాలని అధికారులు వెల్లడించారు. ఇదిలాఉంటే..మౌళిక సదుపాయల అభివృద్ధిలో పేరుగాంచిన నిర్మాణ సంస్థ అష్గల్ డీ రింగ్ డెవలప్మెంట్ పనులను ప్రారంభించిన విషయం తెలిసిందే.