దోహా:కరోనా వ్యాప్తి నియంత్రణ కోసం ఖతార్ ప్రభుత్వం విధించిన హోం క్వారంటైన్ నిబంధనలను ఉల్లంఘించిన వారిపై అధికారులు కఠిన చర్యలు తీసుకుంటున్నారు. 14 రోజులు గృహ నిర్బంధంలో ఉండాలని ఖతార్ ఆరోగ్య శాఖ ఆదేశాలను ఆరుగురు వ్యక్తులు భేఖాతరు చేయటంతో వారిని అరెస్ట్ చేశారు. ప్రభుత్వం సూచించిన మేరకు పౌరులు, ప్రవాసీయులు ప్రతి ఒక్కరు నిబంధనలు అనుసరించాలని ఆరోగ్య మంత్రిత్వ శాఖ ఆదేశించింది. ఇది వారి ఆరోగ్య సంరక్షణతో పాటు సమాజ ఆరోగ్య భద్రతకు కూడా చాలా ముఖ్యమని హితువు పలికారు. ఎవరైనా క్వారంటైన్ నిబంధనలు ఉల్లంఘిస్తే వారిపై ఆర్టికల్ 253 ప్రకారం చర్యలు తీసుకుంటామని హెచ్చరించారు