బహ్రెయిన్: కోవిడ్ ధాటికి క్లిష్ట పరిస్థితులను ఎదుర్కుంటున్న పర్యాటక రంగాన్ని గాడిన పడేసేందుకు ఉన్న అవకాశాలపై బహ్రెయిన్ ప్రభుత్వం దృష్టి సారించింది. ఐక్యరాజ్య సమితి ఆధ్వర్యంలోని అంతర్జాతీయ పర్యాటక సంస్థ 112వ సమావేశంలో పర్యాటక రంగానికి సంబంధించి పలు అంశాలను చర్చించారు. బహ్రెయిన్ పారిశ్రామిక, వాణిజ్య, పర్యాటక మంత్రితో పాటు పర్యాటక, ఎగ్జిబిషన్ అధారిటీ(BTEA) నేతృత్వంలో జరిగిన ఈ సమావేశంలో తబ్లిషి తీర్మానంలో భాగమైన పర్యాటక రంగం పునురుద్ధణతో పాటు ఏయే రంగాలకు అధిక ప్రాధాన్యత ఇవ్వాలనే అంశాలు ప్రస్తావనకు వచ్చాయి. కోవిడ్ క్లిష్ట పరిస్థితులను ఎదుర్కుంటూనే పర్యాటక రంగానికి పూర్వ వైభవం తీసుకొచ్చే మార్గాలపై సమీక్షించారు. ఇదిలాఉంటే దేశీయంగానే కాకుండా మధ్య ప్రాచ్యంలో పర్యాటక రంగ అభివృద్ధికి దోహదపడే చర్యలు చేపట్టడంతో బహ్రెయిన్ ను గతేడాది UNWTOలో సభ్య దేశంగా చేర్చిన విషయం తెలిసిందే.