కువైట్ సిటీ:కువైట్‌లోని ఇండియన్‌ ఎంబసీ, ఎవరైతే ఎంబసీని కాంటాక్ట్‌ చేయాలనుకుంటున్నారో, వారికి సంబంధించిన వ్యాలీడ్‌ కాంటాక్ట్‌ డిటెయిల్స్‌ని అందివ్వాలని విజ్ఞప్తి చేసింది. పెద్ద సంఖ్యలో ఇ-మెయిల్‌ మెసేజ్‌లు ఇండియన్‌ కమ్యూనిటీ నుంచి వస్తున్నాయనీ, అయితే సరైన కాంటాక్ట్‌ వివరాల్ని వారు పేర్కొనడంలేదని ఎంబసీ చెబుతోంది. పాస్‌పోర్ట్‌లో వున్న పూర్తి పేరు, పాస్‌పోర్ట్‌ నెంబర్‌, సివిల్‌ ఐడీ అలాగే కాంటాక్ట్‌ టెలిఫోన్‌ నెంబర్‌ అలాగే అడ్రస్‌ని ఎంబసీకి తెలియజేయాలని ఎంబసీ అధికారులు విజ్ఞప్తి చేశారు. గ్రూప్‌ అసోసియేషన్ల తరఫున ఇ-మెయిల్స్‌ పంపుతున్నవారు కూడా పూర్తి వివరాల్ని తెలపాని ఎంబసీ స్పష్టం చేసింది.