రియాద్:పరిమిత వేగానికి మించి వెళ్లే వాహనాలను గుర్తించే స్పీడ్ రాడార్స్ ను ధ్వంసం చేసిన కేసులో నలుగురు వ్యక్తులను అరెస్ట్ చేసినట్లు అల్ జౌఫ్ భద్రతా అధికారులు వెల్లడించారు. నిందితులు అంతా 30 నుంచి 40 ఏళ్ల లోపు వాళ్లేనని అధికారులు తెలిపారు.క్రిమినల్ టాంపరింగ్, స్పీడ్ రాడార్స్ విధ్వంసానికి పాల్పడిన వారిని సహెర్ స్పీడ్ కెమెరాల ద్వారా గుర్తించి వారిని అరెస్ట్ చేసినట్లు వెల్లడించారు. పబ్లిక్ ప్రాపర్టీని విధ్వంసం చేసినట్లు కేసు నమోదు చేసి న్యాయ విచారణకు సిఫారసు చేసినట్లు పోలీసులు పేర్కొన్నారు.