ఒమన్ లో ఎట్టకేలకు విద్యా సంవత్సరంపై విద్యా శాఖ మంత్రిత్వ శాఖ క్లారిటీ ఇచ్చింది. 2020-21 అకాడమిక్ ఇయర్ నవంబర్ కి సంబంధించి నవంబర్ 1 నుంచి ప్రారంభం అవుతుందని ప్రకటించింది. దీంతో నవంబర్ 1 ఆదివారం నుంచి దేశంలోని అన్ని స్కూల్స్ ప్రారంభం కానున్నాయి. కరోనా తీవ్రతతో కొన్ని నెలల పాటు స్కూల్స్ మూతపడిన విషయం తెలిసిందే. దీంతో విద్యార్ధుల చదువు పట్ల కొంత గందరగోళం వ్యక్తం అయ్యింది. అయితే..అన్ లాక్ ప్రక్రియలో భాగంగా ఒక్కో రంగాన్ని ఆంక్షల పరిధి నుంచి మినహాయింపు ఇస్తూ వస్తున్న సుప్రీం కమిటీ...ఎట్టకేలకు విద్యా సంస్థల ప్రారంభానికి కూడా అనుమతి ఇచ్చింది. అయితే..కోవిడ్ 19 వ్యాప్తి నియంత్రణకు సుప్రీం కమిటీ జారీ చేసిన మార్గనిర్దేశకాలను ఖచ్చితంగా అమలు చేయాల్సి ఉంటుంది.