కువైట్: పబ్లిక్‌ అథారిటీ ఫర్‌ సివిల్‌ ఇన్ఫర్మేషన్‌ పిఎసిఐ, 200,000కి పైగా కార్డులు పిఎసిఐ హెడ్‌ క్వార్టర్స్‌లోని మెషీన్లలో పేరుకుపోయినట్లు వెల్లడించింది. వీటిని తొలగించేందుకు తగిన మెకానిజంపై స్టడీ చేస్తోంది అథారిటీ. కాగా, మూడు నెలలు గడిచినా ఓనర్స్‌ తమ సివిల్‌ ఐడీలు తీసుకెళ్ళడంలేదని అధికారులు పేర్కొన్నారు. తద్వారా పెద్దయెత్తున మెషీన్‌లో కార్డులు పేరుకుపోయాయనీ, ఆ కారణంగా కొత్త కార్డుల్ని అందులో పెట్టడం కుదరడంలేదని అథారిటీ చెబుతోంది. 2 కువైటీ దినార్స్‌ అదనపు చెల్లింపుతో కార్డులను హోం డెలివరీ ఇవ్వడం ఓ ప్రత్యామ్నాయ మార్గంగా అథారిటీ భావిస్తున్నట్లు తెలుస్తోంది.