కువైట్ సిటీ: కువైట్‌ టాప్‌ కోర్టు, ఓ వ్యక్తికి ఐదేళ్ళ జైలు శిక్షను సమర్థించింది. కేసు వివరాల్లోకి వెళితే, నేషనల్‌ అసెంబ్లీలో ఉద్యోగి అయిన ఓ ఈజిప్టియన్‌ వలసదారుడు, అడ్మినిస్ట్రేటర్స్‌ అకౌంట్స్‌ని హ్యాక్‌ చేసేందుకు ప్రయత్నించాడు. కువైట్‌ దివంగత అమిర్‌ షేక్‌ సబా అల్‌ అహ్మద్‌, లెజిస్లేచర్‌ని ఉద్దేశించి మాట్లాడుతున్న సమయంలో ఈ హ్యాకింగ్‌కి నిందితుడు పాల్పడ్డాడు. నిందితుడు ప్రస్తుతం సెంట్రల్‌ ప్రిజన్‌లో వున్నాడు. జైలు శిక్ష తర్వాత నిందితుడ్ని డిపోర్ట్‌ చేస్తారు. అసెంబ్లీ నెట్‌వర్క్‌ని నేరపూరితంగా హ్యాక్‌ చేసినట్లు నిందితుడిపై అభియోగాలు మోపబడ్డాయి. రెండు నిమిషాల్లో 7,000కి పైగా వైరస్‌లు పంపి, లెజిస్లేచర్స్‌ నెట్‌వర్క్‌ని ధ్వంసం చేయడానికి ప్రయత్నించాడు. నిందితుడి వివరాలు బయటకు రాలేదు.